何佩瑜（Jeana）、雨僑、應昌佑和導演錢國偉，昨日在銅鑼灣為電影《喜愛夜蒲3》在街頭宣傳，可惜中途下雨，他們走到商場範圍避雨，卻被保安大聲驅趕，情況尷尬。談到早前睇騷拖仔入廁所一事，Jeana說：「嗰個係識咗好耐嘅朋友，其實廁所有保安，入面仲有好多廁格，當日係想嘔，個朋友扶我去箒。其實單身咁耐都開心咗，暫時都係朋友，不過歡迎佢追我，男女都冇問題。」雨僑透露17日可以除腳套，到時一定會瘋狂穿高踭鞋，經常負傷出席活動的雨僑，前晚亦出席荔枝角舉行的時裝活動行騷，透視裝出場的她說 ：「因為呢個騷一早接咗，所以都要照做，我覺得隻腳都有少少殺風景，所以另一邊着番高踭鞋，着咗肉色打底，感覺都幾性感。」
採訪、攝影：藍文浩、羅慧敏
逢周五隨《蘋果日報》附送嘅時尚美容雜誌《add》雖然早已派完；
拎唔到書嘅朋友，可以上番《add》嘅官網 http://add.appledaily.com 睇番足本網上版，除咗有專訪外，仲有好多時裝靚嘢睇！