鍾楚紅、李嘉欣和郭富城，前晚去廣州出席一個商場的慶典，三人分別設計一個手提包作慈善拍賣。日前泰國最靚的變性人Poyd，在尖沙嘴試衫期間巧遇紅姑，兩人合照過後，Poyd還送了兩張戲飛給紅姑，事後Poyd大讚紅姑，更封她為女神。
一身白色deep V裙打扮的紅姑被問到此事， 她說：「唔係嘛？我嗰日係試衫撞到，我未睇套戲，但係我會去捧場。」不少人對Poyd的外貌讚不絕口，甚至不察覺她是變性人，紅姑說：「我真係冇諗過，佢好靚，好自然，睇唔出，都係睇報道先知。」記者指全拜現今科技所賜，紅姑說：「呢一個係一個趨勢，自己唔鼓吹，亦接受唔到整容，人哋有咁嘅需要，令自己開心有自信，呢個係未嘗不可，但係我會覺得好痛同好驚，我諗我接受自己（𠵱家個樣）。」她續說：「我諗我嘅極限只係接受到減肥，呢方面我有進步空間，但係目標唔敢定，因為會好痛苦，𠵱家我會每日keep住做運動，不過都唔夠我吸收咁快。」
嘉欣過七年之癢
記者笑指會否是心情開朗，所以吸收能力好？紅姑說：「我𠵱家好開心，我唔應該唔開心，我身邊有好多人支持我同錫我，要感恩。其實做人唔會有完美，只可以靠自己意志同毅力做好啲。」她亦透露未決定會否出席梅艷芳紀念演唱會，要看時間才再決定。
同場的城城與大美人李嘉欣合照期間大談馬經，可惜嘉欣似乎不太懂回應。城城大讚自己絕對有設計天份，而嘉欣被問到囝囝有否設計天份時說：「我會畀佢自己發揮，通常我會預備一張大畫紙畀佢。」剛與許晉亨度過結婚五周年紀念，嘉欣連同拍拖在內，已經在一起有七年，不過嘉欣說：「未到癢嘅階段，喺呢段時間最深刻係多咗個小朋友。」
採訪、攝影：曾小嘉
足本收睇《亂噏24》x 鄭秀文@杜琪峯；DADA閃電復出後首次專訪！
周一至周五《亂噏24》約定你： http://bit.ly/appletalk24