今日我哋《蘋果》重心提供一匹初出馬畀大家參考，就係第二場蔡約翰嘅「有權有勢」，先講操練，呢匹馬連同考閘，今季共試過五次大閘先跑，以最近一次11月 19日走勢最好，響田泰安胯下跑第二。「有權有勢」早響10月18日已考眼罩及格，一出即用此配備，應係諗過度過唔會亂嚟。
雷神(莫雷拉)啱啱復出即食咗鋪大四喜，手風大順，今季呢騎師跑1000米直路賽表現Very Good，四戰贏兩場，另有一場得第二，唔講你唔知，咁啱呢三次得一、二名全部都係C加3欄！而馬主陳怡納養馬多年，近兩匹「有才有勢」及「有莊有閑」均一出即勝，「有權有勢」用王牌報名有的放矢，陳怡納又有機會拉頭馬。
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange