如果大家周日入馬場，第七場除咗有靚馬睇之外，或者有機會見到女子組合Sparkling Girls。苗禮德馬房隻「泡泡小子」馬主張林雄，本身搞娛樂事業生意，正正就係Sparkling Girls嘅老闆。Sparkling Girls有三位成員，分別係莊茜佳、高韻同吳倩。三位靚女好多時都跟住張林雄入馬場，上季「泡泡小子」贏馬，Sparkling Girls亦有拉頭馬，表現得好high。今季「泡泡小子」久未上陣，連帶馬場都見唔到呢三位青春活力十足嘅靚女。終於等到「泡泡小子」周日復出，隻馬已備戰多時，狀態唔成疑問喎。
睇番「泡泡小子」嘅戰績，其實喺三班真係好超卓。上季佢曾經跑贏「積多福」同「榮耀假日」兩隻惡馬，之後又試過同「愛將」串Q。拎住咁嘅賽績，周日「泡泡小子」嘅對手，可以話完全次一皮。Sparkling Girls有首歌叫No No No No Yes，都緊要都係最後嗰個字Yes，如果「泡泡小子」呢日率先過終點，張林雄隨時大嗌Yes！
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange