下年F1車手變動都好大，其中墨西哥23歲車手佩雷斯（左），周四就落實加盟印度力量，同侯根保組成全新組合，亦都結束短短一季嘅麥拿侖之旅，車隊老闆馬拉亞（右）就大讚佩雷斯年輕又有鬥心，會為車隊帶嚟成功咁話。另外，F1下季推出唔少新例，包括准許車手自選號碼，除咗衞冕嘅維特爾可以用1號，其餘車手可從2至99號間選擇，有傳法拉利嘅西班牙車手艾朗素會揀14號，唔通佢真係好鍾意皇馬中場、都係着14號嘅沙比阿朗素？
足本收睇《亂噏24》x鄭秀文@杜琪峯；DADA閃電復出後首次專訪！
周一至周五《亂噏24》約定你： http://bit.ly/appletalk24