擴展居屋第二市場至白表買家（俗稱白居二），第二批2,500個名額中籤申請者，將於本月底獲發「批准信」，可於6星期內申請辦理「購買資格證明書」，預計新一年開始，就大舉進軍置業路上，入市擁有自己的居所，但未必個個都興奮，有準買家表示喜中帶驚，擔憂樓價再次被搶高。那邊廂，請來業主細說當初，由未能購得全新心水居屋，改為申請政府貸款計劃，買了私樓村屋，住上10年後，換入屯門兆康苑單位，兜兜轉轉，最終仍心繫居屋。
記者：溫潤潔
攝影：梁志永
怕搶貴貨 睇定啲先買
首批白居二在今年中投入居屋市場，形成一股熱潮，樓價極速被炒上，直到近月熱潮減退，成交量及成交價才回落。
第二批白居二快出籠，準買家張先生為此忐忑不安，既恐怕歷史重現，樓價再升，又難預測樓價升幅多少，更不知往後加息去向，又怕2015年可能加息，對供樓構成壓力等。
張先生透露，有位朋友是首批白居二中籤者，覺得樓價高得不合理，加上沒物色到合適單位，迄今仍未買樓。他也認為不應胡亂入市，會按原定計劃用半年時間搵樓，若找不到心水盤，申請延期多半年，總之「要睇定啲先買」。
首選300萬港島物業
思前想後，有感樓價高及加息顧慮，但結婚3年的張先生，與太太及新生兒子，跟家人同住一室，實在感到擠迫及不便，需要另覓居所。「點都一定買咗先，甚麼都好，如果可以申請公屋，我都申請，有地方住咗先，之後的事，之後再諗」。
由於資金緊絀，張先生坦言，「買得居屋都係想做九成按揭，否則買私樓啦」！預計購買面積四五百方呎、樓價約300萬元單位，以港島東區為首選，惟選擇有限，其次聽聞馬鞍山社區不俗，樓價不太貴，即使不太情願，亦會到該區探路。他指，「覺得遠呀！冇辦法，若搬入去（馬鞍山），要考慮（市區）返工，小朋友將來讀書問題」。
問及將來做了業主，若樓價下跌，張先生卻大無畏道，「樓價跌，冇乜大問題，我自住，唔係放售，現在上會要30年，唔會諗賣」。
足本收睇《亂噏24》x 鄭秀文@杜琪峯；DADA閃電復出後首次專訪！
周一至周五《亂噏24》約定你： http://bit.ly/appletalk24