仲有大概半個月就踏入2014年，利物浦前鋒蘇亞雷斯喺上季季尾因咬車路士後衞伊雲洛域，加上佢想離隊嘅新聞搞咗成個夏天，停賽10場後又係咁入波，所以呢位烏拉圭國腳今年亦喺Twitter熱爆。Twitter官方發表咗2013年英國最hit嘅足球字眼，結果阿蘇勇奪第1位，同佢有關嘅#LFC及利物浦，亦分別排第2位同埋第5位。令人意外嘅係，史雲斯同阿士東維拉居然入到前5，仲分別排喺3、4位㖭。反而#ThankYouSirAlex只係排第10，睇嚟玩Twitter嘅人對費格遜退休冇乜感覺。
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange