每年一度「第56屆亞太影展」噚日喺澳門揭幕，電影《風暴》成為今次開幕電影，身為出品人、監製兼演員嘅劉德華，噚日帶咗唯一女角姚晨、施祖男、姜皓文、唐文龍同小演員陳沛妍出席記者會。
望票房破3億
現場播放精華片段，見到華仔有唔少爆破同槍戰嘅場面都親自上陣，華仔大讚小演員陳沛妍好戲，拍啲離開世界嘅場面做得好好，司儀問陳沛妍鍾意扮佢爸爸嘅姜皓文，定劉德華多啲？佢話：「黑仔爸爸好照顧我，劉德華哥哥就算工作好忙，佢好照顧我。」台下啲嘉賓聽到華仔俾小妹妹稱為哥哥，忍唔住笑出嚟，睇落做得佢老竇嘅華仔，真係飲得杯落！
事後華仔同姚晨接受訪問話好多場面都好落本，華仔話：「呢套係地道嘅港產片，希望可以衝擊內地票房，最好可以突破3億。」訪問期間見到姚晨有啲咳，華仔即叫人攞咗杯水同外套畀佢，有人提議華仔呵番佢，點知華仔好認真輕輕掂一掂姚晨話：「我係一個有家室嘅人！」
撰文：馮仁昭
全民起義，網民話事！
立即登入萬千星虧頒獎禮投票網，投下心目中最虧之選。
http://campaign.appledaily.com/tvawards2013