第一代𡃁模活希兒於上月初出席中港照相器材主席孫大倫細仔孫道熙（Ryan）婚禮，竟穿了與新娘子林珊亭（Sandee）同款婚紗踩場，更指偷偷坐在主家席，事件惹來Ryan在facebook留言極度不滿。「贈興」事件繼續有新進展，昨日有讀者報料指孫大倫夫人鄧秀英不喜歡新抱Sandee，而活希兒亦湊巧在其facebook網頁與友人解釋晚裝裙由契媽，即孫大倫夫人鄧秀英送贈，更擺了孫太本人的試裙相，要她於Ryan婚禮上穿着，認真峯迴路轉，錯縱複雜。
孫哥哥怒罵
記者昨日致電Ryan哥哥孫道弘，他表示有留意報道，亦表明上月初已在facebook看過有關活希兒的解釋，他表示：「佢唔係我契妹，我冇問媽咪有冇契女，我覺得媽咪買條裙畀人唔出奇，可能係silly mistake，30歲人自己冇judgement，契媽叫你去死，唔通又去死咩。」問到活希兒有否同Ryan曾經是拖友，他表示：「我答唔到你，我唔會猜測，可能有人搞事又好，唔開心見到我細佬結婚，我細佬將一時感覺寫咗出嚟，但係佢哋兩個人facebook嘅私訊，又會畀另一個人鋪出嚟，除非有黑客，唔係嗰個人就好得閒。我可以好肯定媽咪同Sandee關係好好，冇問題一啲事都冇。」對於有指活希兒在飲宴上坐主家席，他表示：「我嗰晚都係坐主家席，有人行嚟同我媽咪傾偈唔出奇。」
契媽認借裙
孫太昨透過友人向本報澄清：「仔同新抱好好，好喜歡佢，條裙係我舊裙，借畀佢（活希兒）着，唔知佢乜場合着，條裙同新抱嗰條唔一樣，佢嗰條係訂做，唔同色。」孫太認活希兒是契女，透露因今次facebook風波，活希兒已被律師樓勸喻離職，亦否認她坐主家席：「嗰晚係佢係舞台邊睇住新人跳舞，孫生（孫大倫）話企喺度攰，叫佢坐。」
採訪：唐如
全民起義，網民話事！
立即登入萬千星虧頒獎禮投票網，投下心目中最虧之選。
http://campaign.appledaily.com/tvawards2013