辣呢種感覺，未必只出現舌尖嘅味蕾，見到性感索女都畀人有火辣感覺，網上近日熱傳曾主持台灣節目《好色男女》嘅吳玟萱三點式靚相，擁有巨咪、小蠻腰同長腿嘅佢，外貌同身材絕對可以同一班寫真𡃁模揮過，驟眼睇落佢仲同羅霖生得餅印一樣。
單親湊14歲仔
「台版羅霖」吳玟萱仲不時喺節目大談「性經」，話發生親密關係前，有時會將毛髮修剪成心心形狀增添情趣。 唔講唔知，吳玟萱原來已經係媽模，佢上星期啱啱過埋41歲生日，仲有個14歲囝囝，呢位辣媽馬上俾高登巴打轉貼。
吳玟萱早年同設計師呂向榮結婚，兩人生咗個仔，但後來離婚，吳玟萱母兼父職做單親媽媽，佢冇放棄自己變肥師奶，反而越嚟越索。吳玟萱身邊不乏追求者，佢𠵱家全力投資理財：「還是靠自己最實在！」佢同前夫生嘅囝囝𠵱家喺上海生活，吳玟萱話仲想趁後生再生多一胎：「有想過乾脆人工受孕算了。」
場主：守庫
全民起義，網民話事！
立即登入萬千星虧頒獎禮投票網，投下心目中最虧之選。
http://campaign.appledaily.com/tvawards2013