【本報訊】部份奶粉品牌供應嚴重短缺，令藥房商戶叫苦連天。有藥房負責人表示，為了維持生意，反而要向水貨客入貨，美贊臣入貨價平均每罐約300元；在貴買貴賣下，惟有抬高零售價。
另有藥房負責人指，不少公公婆婆從連鎖個人護理店買奶粉後，會每罐抬高10至30元不等向藥房兜售。
「炒嚟炒去」扯高售價
有藥房負責人表示，美贊臣奶粉商經常供不應求，為留住熟客「買奶粉同時會買啲日用品」，惟有向水貨客入貨，平均每罐約300元，「奶粉炒嚟炒去」扯高零售價，令本港家長一直要捱貴奶粉。
另一藥房老闆指出，每周只獲五至六箱美贊臣奶粉，當中只有約一半（約30罐）屬需求最大的A+1、A+2及A+3號。不時有公公婆婆於連鎖個人護理店買美贊臣奶粉後，向該店兜售，每罐加價10至30元。
他表示，在缺貨下惟有向他們入貨，「檢查過單據，證明啲貨冇問題就得」。
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange