獲獎無數的梁朝偉昨日到灣仔會展出席「亞洲電影博覽會2013」頒獎禮，獲頒發傑出演員大獎，以表揚他卓越的演出成就，洲立集團的黎筱娉與老公謝里歌則獲頒發「發行商終身成就大獎」。
視尊特拉華達為目標
偉仔受訪時，坦言這30年一直覺得自己好幸運，可生長在電影、電視的黃金時代，他說：「我從來唔覺得自己有幾好，覺得自己好好運，成日有機會。」
偉仔表示一直沒特別定下甚麼目標，現在過了50歲更加成熟，已進入另一個階段，他說：「我細個都係睇尊特拉華達（John Travolta）嘅《週末狂熱》（Saturday Night Fever），之後喺英國再睇《危險人物》（Pulp Fiction）都嘩咗一聲，一個演員後生已有代表作，中年又有另外發展嘅角色，好正，我都希望係咁。」
偉仔將在亞太影展與台灣的李康生再爭影帝，偉仔坦言未知會否出席，但他說：「我𠵱家呢個階段，我得獎咁開心，見人哋得獎又咁開心，大家能夠入圍都有付出努力。」問偉仔會否宣佈不再攞獎？他說：「唔需要講到咁絕對，人哋同自己攞都開心，唔使話唔要咁極端。」
偉仔日前因在港工作而沒有為老婆劉嘉玲慶祝生日，問他是否會送上海豪宅作禮物，他即說不是。偉仔稱12月聖誕節又新年，可以再慶祝，但不會出埠，因12月底會為紀念梅艷芳的騷演出，為阿梅出一分力，問他會否唱《矇矓夜雨裏》時，他說：「睇學友點安排，其實亦可以唱阿梅嘅歌。」會否加緊練好歌藝？他笑說：「唔好畀壓力我啦，攞個心出嚟做件事，又唔係歌唱比賽，出心緊要啲。」
採訪：溫敏芝
攝影：黃文偉
全民起義，網民話事！
立即登入萬千星虧頒獎禮投票網，投下心目中最虧之選。
http://campaign.appledaily.com/tvawards2013