財爺曾俊華中「蛋」後，狼班子成員私下都話對「蛋」唔多like，示威者唔使咁客氣，相反美國駐港總領事夏千福就對蛋情有獨鍾，殺入北角嘆地道小食雞蛋仔。話說千福BB又喺美領館fb上載相片，話喺朋友推介下到北角食雞蛋仔，一食即迷上咗，仲留下好有深度嘅食評，形容雞蛋仔「輕巧、美味、有趣、十分可口」。夠脆嘅雞蛋仔點解係「有趣」？八方唔知嘞，但覺網民嘅留言更加有趣：「有人聞蛋色變，你（夏千福）就氣定神閒食雞蛋仔」。
足本收睇《亂噏24》x 鄭秀文@杜琪峯；DADA閃電復出後首次專訪！
周一至周五《亂噏24》約定你： http://bit.ly/appletalk24