大家都知道LG出咗部G Flex屈機，相反Samsung部Galaxy Round，好似無咩人留意。可能因為韓國獨賣，所以迴響唔大。約兩個月前，第一批水貨到港，收你$7,280，真係當堂嚇一跳。規格同Note 3接近一樣，支援拍攝及播放4K影片，係頂級之作，不過價錢的確令人卻步。兩個月過去，經過一輪震倉，狂瀉千三蚊，最新報價係$5,980，合理好多。大家可以去先達感受下，嗰種彎係幾過癮，而且睇片時，可視角度的確更清楚。值唔值？同樣係水貨，Note 3四千中就有交易，所以真係睇你有幾鍾意彎。
Galaxy J
最近Samsung出咗部Galaxy J，終於唔再係圓碌碌鵝蛋形機身，而係方方正正，加上用5吋芒，一隻手揸得晒，感覺舒服好多。唔少人認為佢係Samsung最靚手機，事關紅藍白三色機身，由底殼伸延到四邊，再加上一條銀邊包圍，雖然其實有少少似5c，但背後絲紋加上機身非常有光澤，有種日系機的風格。規格同Note 3接近一樣，賣$4,680都算合理。
LG Vu 3
看過Samsung手機後再到LG，這部LG Vu 3看外形是否很搞笑呢！它使用4:3屏幕，所以外觀變得又矮又肥，但內涵絕對唔差，規格和G2差不多，只有屏幕未用上1080p畫質，只賣三千尾，想找部平民級手機可以考慮。
Vega A870
早前介紹過的Vega A870，據先達Sales透露已接近斷市，憑外形靚及不俗的規格如4核處理器，配上2GB 記憶體，三千元有找，難怪如此搶手。
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange