莫雷拉周三復出即狂掃四Ｗ，四場都力壓潘頓，排位朝莫雷拉又一早到場操馬及同練馬師打交道，仲勤力過劉華。莫雷拉話真係冇想過周三可以贏出四Ｗ咁多，亦冇重大目標，只希望取得好成績。佢讚潘頓今季銳氣正盛，又得到足夠練馬師支持，看來最有機會成為今季冠軍騎師，而自己相對機會較低，但就會咬住潘頓唔放。
講到周日座騎時，莫雷拉話「好事必得」早段應該擺在中間甚至更後位置，然後留力至直路發力衝刺。佢話「好事必得」係嗰種不能發力太早嘅尺寸馬，發揮一定要充滿耐性，希望今仗可以補中。
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange