【集體回憶】
「基伯係小人物，但留畀我哋好多回憶」。嶺南大學文化研究碩士潘小文幼時住過石硤尾邨，當年每次基伯唱賣欖歌，幾乎全邨小朋友跑到陽台守候，「開心到紮紮跳，包定兩毫子準備拋落樓買欖」。多年後她經過登打士街後巷，聽到熟悉聲音叫賣飛機欖，中氣不比從前，但豆沙喉和粵曲唱腔卻騙不了人，「就好似見番自己一個失散咗嘅親人」。
曾「拋過龍」欖墮馬桶
潘小文形容基伯拋飛機欖神乎其技，身子一彎，拉弓用力，飛機欖便直飛13層，送到窗前，「附近嘅人都出晒嚟睇佢表演」。基伯偶有失手也不過是「拋過龍」，飛機欖直入屋內誤墮馬桶，她多年後仍難忘。「後來周圍都係高樓大廈，基伯又年紀大，冇人再拋，呢門絕技失傳㗎喇」。
拋欖上樓成絕唱，基伯仍堅持在街上擺賣，登打士街後巷和山東街隧道是必到之處。潘小文曾跟隨基伯擺檔一個月，「佢好好記性，知道啲熟客幾多點喺邊度出現，佢定時定候就會過去，好似有約定咁」。基伯更猶如街道歷史的活字典，「沿路話我知山東街同新填地街以前係碼頭」。惜基伯近年因身體轉差入住老人院，只得基嫂承傳手藝。
飛機欖是五十至八十年代的集體回憶，基伯曾受邀到商場表演絕技，隨身鐵箱也贈予文化博物館。回憶卻不容於街道，基伯多次被食環署票控，幸有好心職員偷偷教基伯避過巡邏，法官後來也沒再處罰他。
《蘋果》記者
足本收睇《亂噏24》x 鄭秀文@杜琪峯；DADA閃電復出後首次專訪！
周一至周五《亂噏24》約定你： http://bit.ly/appletalk24