藝人活在鎂光燈下，是否就代表要活在大眾的評論下，赤裸裸的讓人任意評頭品足呢？有人會說食得鹹魚抵得渴，但又有幾多人能做得到？27歲的吳雨霏（Kary），入行11年，由當初天真爛漫的少女，進化成現在的時代女性，經過一輪是非的洗禮，領悟到與其活在別人的輿論中，倒不如活出真我，她更坦言為了與余文樂拍拖，整個人失調晒。
撰文：胡比
吳雨霏16歲入行，轉眼間過了11個年頭，沒甚麼大是大非，她與余文樂拍拖到閃電分手，成為焦點，對於Kary來說確實有點吃不消，壓力不是來自兩個人的感情與分手，而是別人的輿論，她不諱言自己一向都很在乎別人對自己的看法，到最近卻變成了一個包袱。
「好驚影響佢」
Kary說：「無論好同壞，都會輕易觸動到我神經，原本都係一個揸唔定主意嘅人，變得更冇信心，決定咗嘅嘢，人哋畀一啲意見我，就好容易改變咗自己嘅決定，好似冇咗自己。」
雖說分手不是致命傷，但難免也有所影響，Kary亦坦言：「唔多唔少都會，所以當時一路都在調整，其實我之前拍拖一向都係好低調，但突然間對方係圈中人嘅時候，自己唔係好識handle，變咗好多嘢諗，好驚影響佢，工作量爆煲，又瞓唔到覺，成個人失調晒。」
再見亦是朋友，老套但在Kary與余文樂身上做到了，早前在一派對中，二人分手後首次碰面，沒有芥蒂，有說有笑，但隨之而來的新聞是樂仔想翻撻，Kary直言：「唔會啦，我同佢識咗十幾年，試又試過，都係做番朋友舒服啲。」
「我揀唔公開」
有沒有後悔當初公開戀情？Kary笑言：「有得畀我揀我揀唔公開，其實我一向想低調處理嘅，只不過大家都係公眾人物，先放到咁大，其實兩個年輕人拍拖，人哋問到咪認囉，唔夾啦分開咪做番朋友，只不過係咁樣一件事。」說得多麼瀟灑，真難想像當初指她為情傷閉關兩個月。
說起閉關，Kary指閉關全因為新碟《State of Mind》埋頭苦幹，她指新碟的八首歌記錄了這一年不同的心境，就如一張寶麗來拍下之後印出來，state of mind那刻的心境，雖然經歷過分手，但請不要對號入座，因為她的人生並不只有愛情。
化妝：Hubei Har of Atelier d'Arris
髮型：Heibie Mok of Hair Culture
全民起義，網民話事！
立即登入萬千星虧頒獎禮投票網，投下心目中最虧之選。
http://campaign.appledaily.com/tvawards2013