廣州恒大星期六會喺世冠盃半準決賽對非洲嘅艾阿里，爭入準決賽對拜仁慕尼黑；喺賽前記招，恒大教練納比（圖）就批評賽會點到佢哋頭都暈，次次操練嘅場地都唔同，「呢兩日，我哋都喺唔同地方訓練，相信嚟緊我哋會去第3個。如果可以嘅話，我唔想訓練場地成日轉，咁對球員有唔好嘅影響。」納比大讚艾阿里大賽經驗豐富，同埋期待入準決賽鬥拜仁。另外，周三世冠盃資格賽，主辦國代表拉查體育會2:1擊敗大洋洲嘅奧克蘭，周六會喺另一場半準決賽對蒙特雷。
足本收睇《亂噏24》x 鄭秀文@杜琪峯；DADA閃電復出後首次專訪！
周一至周五《亂噏24》約定你： http://bit.ly/appletalk24