潮人葛民輝07年在觀塘開設自家時裝品牌店4A，受不少潮人熱捧，不過本報日前收到讀者張太投訴，張太稱日前在該時裝店購物，發現出𨋢後走廊牆身全被髹成黑色及防煙門長開，及後她得知時裝店涉嫌違反消防條例，消防處曾要求還原卻遭拒理，加上欠租三個月，業主已透過律師發信追討。
冇閂防煙門
本報記者前日傍晚到上址了解，發現走廊牆身的確全被髹上黑色，一名自稱是時裝店負責人的Stanley得悉此事後，表現有點愕然並入房打電話，估計是與葛民輝聯絡。了解過後，Stanley禮貌地說：「呢啲嘢只會越描越黑，如果冇交租呢啲咁內幕嘅嘢，點會咁易俾人知，你問我梗係話冇，亦唔會認，因為我哋由07年到𠵱家都喺度做，出咗名係好租客，當然最近出現咗啲問題。」他稱此事與屋宇署有關，但未有透露詳情。再問有否與老闆阿葛通電？他說：「呢啲唔方便講喇，但我哋係殷實商人， 老細係知名人士，好少出現啲閒話，我哋同同行嘅關係都好好。」
至於涉違反消防條例，Stanley說：「咁複雜嘅問題唔想回答，不過如果真係有違反，一定會受到懲罰，政府唔會由得我哋，所謂嘅投訴，我覺得係有人有居心，如果三、四個月冇交租，都俾人封咗舖啦，我諗消防條例係唔會影響到人，就算我哋啲消防門冇閂，你可以去睇吓其他層都係冇閂，如果違反，應該係全幢大廈。」而阿葛昨日透過商台公關指他的同事已回應此事。
採訪：張俊銘
攝影：陳志嵐
全民起義，網民話事！
立即登入萬千星虧頒獎禮投票網，投下心目中最虧之選。
http://campaign.appledaily.com/tvawards2013