【亂噏24 第23集】張家輝之前在《亂噏24》投訴杜琪峯拍戲沒有劇本，累他要揣摩對方心意。今集節目剛好請來杜Sir現身說法，他還聯同老拍檔鄭秀文（Sammi）亂噏一番，大談影圈逸事及處世之道。《亂噏24》足本版逢周四晚上11時播出，讀者可在 http://bit.ly/appletalk24重溫。
撰文：馮國康、Sidekick
大導演杜琪峯獲獎無數，拍戲從不依照劇本，難怪被張家輝詐型。杜Sir隔空暗寸家輝：「畀都冇用啦，畀咗你又改！」他笑說很多演員拍他的戲，根本不清楚幾時拍完。這點倪匡最清楚，他曾在不少電影做茄喱啡：「導演教我同女主角講呢句話，我問女主角呢？佢話女主角咪……（指着拳頭，意思是對着拳頭說對白）。」倪匡又稱老一輩導演如羅維、張徹都依劇本拍，但新一輩則不需要：「唔怪得寫寫吓劇本冇得撈啦！」Sammi即替杜Sir辯護：「每次拍杜Sir戲都有個故事大綱，知道自己個角色係點，家輝就唔知你搞乜，我比較好彩。」
自認妹妹唔夠強
Sammi最近在中環街頭拍攝新歌《一追再追》MV，歌曲講述她受抑鬱症困擾時的經歷，導演要她置身在一玻璃箱中拍攝，令肥佬黎非常有印象：「嗰張相我覺得係最強悍嘅你，但我見你好溫柔，冇嗰種強勢。」Sammi喊冤：「其實我唔強㗎，喺工作上我可能付出，但平時我好唔『家姐』，係好『妹妹』。」她坦言以前對自己要求過高，以致價值觀錯亂令自己迷失：「可能以前過份相信自己。」倪匡醒起Sammi在《瘦身男女》的肥嘟嘟造型很惹笑，Sammi作生氣狀：「我冇肥好耐啦！」但倪匡和杜Sir都認為她肥嘟嘟時很可愛，Sammi說：「如果我唔做呢行，我係可以容許自己肥，但係肥瘦俾工作牽制住，要營造所謂嘅形象。」
肥佬黎認為Sammi懂得放下，令她脫胎換骨，應該對演技有幫助，Sammi謙虛說：「要問杜Sir。」杜Sir的答案是肯定的，她將自己的生活融入角色。Sammi記得前年拍攝杜Sir的《高海拔之戀II》，第一日在香格里拉便要拍悲情戲：「杜Sir話你對住個森林嗌啦、崩潰啦，第一日上到去氣都未唞順就崩潰啦！」
獲讚演戲有天份
Sammi的演技有目共睹，多次獲香港電影金像獎及台灣金馬獎影后提名，但一直跟獎項擦身而過。杜Sir認為她只欠一個適合的劇本：「我相信佢任何難度都征服到！」杜Sir打個比喻，可能Sammi演俠女有天份，只是他和韋家輝還未發掘到她這方面的才華。Sammi記得杜Sir講過一番話，令她獲益良多：「一套戲你唔係睇你自己好唔好睇，最緊要係成部戲好唔好睇。」杜Sir補充：「無論你係主角抑或茄喱啡，你某程度上serve緊導演嘅作品。」倪匡認為電影成敗得失全關乎導演，不能推卸給演員或編劇。
國王的劇本 唔寫係紙度 邊個先睇到？
http://bit.ly/talk242301
拍戲take one最好 磨爛蓆乜feel都冇
http://bit.ly/talk242302
上帝早已預備 至少SAMMI冇被遺棄！
http://bit.ly/talk242303
抑鬱症 人都癲 好番要3年？
http://bit.ly/talk242304
愛自己多過愛人哋 其實你心裡有沒有安？
http://bit.ly/talk242305
性格率直難做戲 真的假不了
http://bit.ly/talk242306
歌唱比賽有黑幕？以身試法有收穫！
http://bit.ly/talk242307
唔識活在當下 原來係DNA的錯
http://bit.ly/talk242308
倪匡寫嘢唔用腦 Sammi大叫你是神
http://bit.ly/talk242309
得罪人 扮唔知？ 講聲SORRY好過啲
http://bit.ly/talk242310
全民起義，網民話事！
立即登入萬千星虧頒獎禮投票網，投下心目中最虧之選。
http://campaign.appledaily.com/tvawards2013