Growing old gracefully，是情操，也是修為，佢係最佳典範，85歲但美艷如昔。半島酒店前日舉行85周年慶祝晚會，旅發局總幹事劉鎮漢都有去，大讚氣氛好好：「仲請埋啲住客一齊玩」。星光熠熠已經預咗，八方反而想講班員工，為大老闆米高嘉道理爵士送上嗰份禮物，就係各部門員工表演一幕「快閃舞」。員工橫跨三代，年資最短四個月，最長26年，個個跟住音樂起勢咁跳，雖然部份動作有啲古怪，包括一個好似Matrix避子彈動作，但誠意搭夠。
半島另外用投射技術，喺酒店外牆展示畫家李志清作品，而且仲係動畫，描繪這小島傳奇。噚晚至周六，每晚7時30分、8時30分及9時30分都會上映，大家都可以去睇吓㗎。同時亦可上網望望： http://www.youtube.com/watch?v=wmzYPzPbZR0
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange