荷李活型男湯告魯斯（Tom Cruise）的新戲《Edge of Tomorrow》，預告片昨日在網上有得睇，靚佬湯雖然貴為主角，也要在片中狂死，不過變身「鐵甲威龍」的靚佬湯會越死越勁！
艾美莉做導師
最近接拍不少科幻片的靚佬湯，新戲繼續不離科幻元素，他今次繼《壯志凌雲》（Top Gun）及《義海雄風》（A Few Good Men）後再做軍人，不過靚佬湯今次就穿起全副盔甲，造型十足鐵甲威龍，而且敵人更是外星人。靚佬湯在新戲中大玩電影《危機解密》（Source Code）橋段，靚佬湯每次戰鬥都要戰死沙場，然後他每次都死過翻生，然後繼續再去戰場打仗，過程不斷循環，直至能夠打贏為止。
英國女星艾美莉賓特（Emily Blunt）亦有出現在預告片中，她在電影與靚佬湯一樣，需要死完再翻生，復活完再上戰場送死，有一幕艾美莉更站在一架快爆炸的戰機前，型爆向靚佬湯說：「醒來後就來找我。」艾美莉之後為了不用與靚佬湯狂死，便提出教導靚佬湯戰鬥。
被艾美莉稱為「武器」的靚佬湯接受訓練後，果然越打越勁，更能夠做出如電影《22世紀殺人網絡》（Matrix）般的飛簷走壁等動作，負上解救人類的重責。靚佬湯上套的《攻．元2077》（Oblivion）票房麻麻，未知今次可否靠此片成功反彈。
靚佬湯這部新作改編自日本小說作家櫻坂洋作品《All You Need Is Kill》，之後更會由人氣漫畫《死亡筆記》畫家小畑健畫成漫畫版。
撰文：鍾國泰
全民起義，網民話事！
立即登入萬千星虧頒獎禮投票網，投下心目中最虧之選。
http://campaign.appledaily.com/tvawards2013