兩電日前宣佈明年電費加幅，在燃料價跌咗咁多下，兩電把握時機，趁呢個空檔調升多啲基本電費，等電費穩定基金可以多番盈餘，在未來五年將有較大空間賺晒9.99%准許回報。
至於港燈未來五年，整體電費睇落唔使加，但其實反映佢對未來燃料費趨跌的預期，基本電費仍是加到足；政府原則上又批咗佢買新機組，起碼到2018年前都唔使愁，電能（006）可安心分拆港燈喇。
既然兩電喺香港咁好賺，係咪就意味分拆出來隻港燈買得過？收息的公用股過去幾年已經累升唔少，加息預期亦已形成，意味公用股估值早已見頂。電能和長建（1038）過往靠借平錢做收購捽yield，息口回升令佢哋開始計唔掂數，配股又攤薄和黃（013）權益，影響稅務優惠，惟有靠分拆減債籌錢，以期望繼續去海外食大茶飯。有分析員估港燈定價，息率必須低過7厘才對電能有着數，海迪相信佢哋可能仲會攞盡啲添。
條數還未計2018年後准許回報被cut風險。君不見同系的匯賢（87001）、和記港口信託上市後的表現？借用林鄭嘅講法：一切不言而喻。
海迪
杜琪峰&鄭秀文齊齊《亂噏24》同3個大帝吹吹水!
周一至周五《亂噏24》約定你： http://bit.ly/appletalk24