將於下周日主場鬥利物浦嘅熱刺，俾傷兵問題搞到好煩，比利時後衞維頓漢照完MRI，發現足踝傷問題都幾嚴重，至少要休息4星期，聖誕快車期睇嚟唔使預佢，熱刺本身已經有基利捷斯同卡保奧有傷，陣容唯一健康嘅常規中堅得番戴臣一個，領隊波亞斯都好頭痕；隊長戴臣周二就帶埋班隊友去兒童醫院探訪（圖），向病童大派禮物，睇吓好心會唔會有好報。另外，紅軍隊長謝拉特因傷無法作客熱刺，不過詳細檢查後，大腿肌肉傷冇之前預期咁重，可望休息4星期就復出。
杜琪峰＆鄭秀文齊齊《亂噏24》同3個大帝吹吹水！
周一至周五《亂噏24》約定你： http://bit.ly/appletalk24