【差天共地】
新地（016）為瓏門2期住戶提供基座商場V city衣食住行的優惠，該商場開幕之初，講明做內地客生意，場內百幾間商戶大部份是連銷店，如周大福、豐澤、太子珠寶鐘錶等，走中高檔路線，就連食個下午茶，動輒需三、四十元。相反，一橋之隔的平民市集新墟，人流旺過V city多多聲。雖然平日中午，但V city人流不算很旺。商場只是典型的shopping mall，毫無特色，只是連銷店集中營，大牌子俯拾皆是。
廣州客：V city價錢實惠
交通方面，瓏門四通八達，住戶除可穿過商場入西鐵屯門站，商場地面巴士總站又提供區內巴士線，以及前往沙田、九龍城、上水的巴士及小巴。另外，還有跨境巴士，其中往深圳灣口岸的B3M號線，每30分鐘一班，車費11元，以至前往廣東各市區的直通巴。正候直通巴回廣東江門的李小姐剛在V city吃了個午飯，「在日式茶餐廳食，一個人要成百幾蚊，以我哋工資水平嚟呢邊食，都幾貴！」
另一名候車的廣州居民陳小姐表示：「每個月都來一次，呢個商場（V city）好方便呀，買嘢齊全，有護膚品、衫、家庭用品，嗰啲有知名品牌，價錢都比較實惠……返內地亦好方便，往廣州車程約3小時！」對於瓏門2期開價實呎近一萬港元，她覺得可以接受，「我哋嗰邊每平方米都萬五蚊人仔啦！」
連接商場V city與附近舊區新墟的行人天橋今年8月開放，一幢幢殘舊的洋樓與玻璃牆的V city雖然相形見絀，但走進新墟，老街坊接踵摩肩，商戶叫賣的情況，正是典型的平民市集，價錢還很相宜，記者可花十元買3支330毫升的蒸餾水。
業主心聲
【折扣差不多】
瓏門1期業主盧先生：「瓏門2期開價平均實呎約9,700元呀……算係咁啦！同我買1期嗰陣時，折咗都係咁上下咋嘛！」
【1期景觀開揚】
瓏門1期業主陳太：「嗰陣時買建呎8,000蚊，其實同𠵱家2期開價差唔多，都預咗差唔多……唔擔心影響1期，始終1期景觀開揚啲！」
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange