上月「雙十一光棍節」，馬雲嘅阿里巴巴創下單日350億元人仔嘅破紀錄銷售，今日輪到「雙十二」，電子商貿（簡稱電商）熱潮越來越旺，搞到人人爭住搞電商，最新話要搞電商嘅，就係內地首富兼地產界大佬萬達集團董事長王健林。
佢日前宣佈，計劃跟馬雲合作進軍電商市場，仲會喺平安夜（本月24日）正式啟動。至於兩位搞乜嘢電商，王健林就賣關子，只係話唔會網上賣樓，會係一個實體店同網店結合嘅商業形式。
仲記得馬雲喺上月光棍節聲大大咁話，要將商業地產價格打落去，等房地產價格更加健康，擺明向地產商宣戰，仲以為佢同地產商有仇，點知轉頭就同王健林合作，王健林又話，佢之前跟馬雲嘅1億賭局純粹係個笑話。都話呢個世界冇永遠嘅敵人或者朋友。
杜琪峰&鄭秀文齊齊《亂噏24》同3個大帝吹吹水!
周一至周五《亂噏24》約定你： http://bit.ly/appletalk24