雷神復出冇令粉絲失望！被譽為神級騎師嘅莫雷拉停賽六日期滿，今晚手握重兵復出，結果憑「添多福」、「的確好靚」、「快人一步」及「首飾孖寶」四Ｗ，「快人一步」更捧走香港醫學專科學院二十周年紀念盃，強勢保持今季個人每次出賽例贏，表現如有神助。
因停賽六日之故，莫雷拉接連錯過本屆國際騎師錦標賽及國際賽，他指自己停賽期間損失八至十W。今晚復出他即討回一半頭馬損失，早段連勝一對九檔馬「添多福」及「的確好靚」後，尾段再贏「快人一步」、「首飾孖寶」兼勝出騎師王，最特別是四場頭馬所擊敗嘅亞軍馬「天地福星」、「瀟洒勁龍」、「城中話題」及「皇者拍檔」都係潘頓座騎，成為潘頓剋星。
莫雷拉至今兩度為蘇偉賢建功，都是勝出「快人一步」，後者目前已取得15W。此駒過檔賢廐後四戰兩冠一亞，蘇偉賢表示「快人一步」為自己補賀牛一，他指馬兒暫時落腳仍快，未夠韌力應付一哩，故將專攻谷草短途。
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange