【中環】楊千嬅自從生咗囝囝Torres之後，幾乎冇晒自己嘅私人時間，同老公丁子高拍拖嘅時間就更少，好在𠵱家囝囝大咗啲，千嬅終於都放心暫時擺低Torres去吓街。
日前夜晚七點幾，千嬅同老公丁子高拍住拖去中環皇后大道中嘅蘇浙滬同鄉會，原來約埋大班朋友食飯happy。咁又係嘅始終做咗人妻同媽媽，餐飯食到九點幾就食完落樓走人，落樓梯時見千嬅腳步浮浮，明顯飲到有啲醉，要一男一女朋友左右兩邊扶住，丁子高就一個箭步搵定架車，吩咐司機開定車門畀丁太上車。
挨車窗休息
千嬅被扶住上車之後，坐低即刻瞓低咗半個身，將個頭挨喺車窗休息，安頓好老婆後，丁子高就叫司機開車返歸。可能千嬅做咗媽咪之後都好少機會放低家庭嘢輕輕鬆鬆咁盡興，既然有老公睇住，一於放心飲多兩杯啦。
採訪、攝影：潘冠恩
全民起義，網民話事！
立即登入萬千星虧頒獎禮投票網，投下心目中最虧之選。
http://campaign.appledaily.com/tvawards2013