巴西模特兒兼主持人利瑪（圖）喺上周五嘅世盃分組賽抽籤，身上嗰條緊身低胸裙令佢條超長事業線盡現，因而秒殺唔少男粉絲。
佢極速上位之後，巴西啲人就瘋狂起佢底，結果俾個網站挖到條疑似性愛片出嚟（左圖）。利瑪喺條片裏面，同個男人有超激嘅親熱動作，仲幫佢推油㖭；而邊個哥仔咁有艷福？咪就係世盃抽籤同佢拍檔嘅男主持羅拔希拔囉！呢個巴西型男係佢老公，家陣佢哋仲有一對好可愛嘅孖仔㖭。講番條片，標題話係性愛大片，我求大俠滿心喜歡以為有正嘢睇，點知完全貨不對辦，一啲三級嘢都冇，浪費咗我求大俠分幾鐘，真係要去巴西消委會投訴。不過並非每個男球迷都鍾意利瑪，對於比較保守嘅伊朗，就因為女主持過於暴露，令節目喺當地被腰斬，最後只能喺節目結束後，剪出伊朗嘅抽籤形勢播放。伊朗球迷因此好唔鍾意佢，喺女主持嘅facebook留言抗議。
杜琪峰＆鄭秀文齊齊《亂噏24》同3個大帝吹吹水！
周一至周五《亂噏24》約定你： http://bit.ly/appletalk24