梁家輝和任賢齊昨日應邀出席金鐘亞洲協會香港中心舉行的《Esquire Hong Kong》午宴。梁家輝表示不會刻意keep fit，他說：「冇認真計劃，生活上我係一個任性、率性嘅人，但係我唔會放縱，所以都冇額外keep，唔會日日跑步三個鐘，拉丁舞係我最近嘅運動，早排受傷冇乜嘢點，連行路都少，郁番𠵱家成功收身。」
家輝是梅艷芳的生前好友，雖然本月要在內地拍戲，他堅持將會出席梅艷芳的紀念音樂會，他說：「我會同徐克請假，一定會盡量出席，呢個係阿梅party，點可以冇我呢個Man of the year。」
此外，任賢齊想做導演，即刻搞了兩個劇本要開戲，不過他大呻辛苦說：「真係搵自己笨，搞電影係喺兩岸三地取景，同時又要搞演唱會、出碟，不過人生苦短，都想做多啲嘢。」
採訪、攝影：楊潔雯
全民起義，網民話事！
立即登入萬千星虧頒獎禮投票網，投下心目中最虧之選。
http://campaign.appledaily.com/tvawards2013