電盈（008）主席李澤楷（小小超）嘅保險王國又多一名猛將。小小超早前完成收購富衞保險，10月請來老友、港交所（388）前主席夏佳理做富衞主席，富衞噚日再宣佈，委任前財經事務及庫務局局長馬時亨做獨立非執董。
馬時亨做局長之前其實係小小超嘅愛將，2001年獲小小超邀請，由摩根大通私人銀行部過檔電盈做掌櫃，當年小小超仲送咗700幾萬電盈股份畀馬時亨。馬時亨早排嫁女，小小超都有到賀。馬時亨當年因病辭官，近年反而越來越活躍於政商界。
講番富衞，雖然小小超已經搵來夏佳理同馬時亨坐鎮，不過應該仲未齊腳，事關夏佳理剛上任時提過，有兩位心水嘅董事人選。𠵱家其中一位開咗估，唔知另一位係邊位呢？
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange