高官俾人掟嘢其實幾咁閒吖，惟獨狼振英煞有介事要追究。好似做過政務司司長嘅唐英年，2010年以署理特首身份出席青年高峯會嘅時候，入場嗰陣都俾人兜口兜面掟中寫有示威標語嘅紙張，入到場又俾年輕人掟鞋，雖然掟唔中，但唐唐都全情笑笑口，冇話又拉又鎖。可能唐唐覺得被人掟係小事一樁，所以噚日現身一個活動，對財爺被掟蛋笑而不答。出席同一場合嘅鬍鬚曾既然被狼振英點咗啞穴，怕且因此對路姆西熱賣都只能齋笑唔出聲。八方聽聞，下周一立法會宴請新舊議員嘅名單上，1991年入立法局嘅唐唐榜上有名，唔知其他91同學會會員如金勞詹同李華明等，有冇報名敘舊呢？
杜琪峰&鄭秀文齊齊《亂噏24》同3個大帝吹吹水!
周一至周五《亂噏24》約定你： http://bit.ly/appletalk24