由警察公共關係科主辦、香港總商會贊助嘅「好市民獎」，已經踏入40周年嘞，大大話話都選咗3,000幾個好市民，其中一個最年輕嘅好市民，相信係喺領獎時年僅六歲嘅馮敏聰。
《警聲》報道，好市民獎活動由1973年開始；1974年舉行首個頒獎禮，當時神童馮敏聰喺電視藝員肥姐沈殿霞手上接過獎狀同獎金，聰聰攞獎時得嗰六歲人仔，張獎狀仲遮住咗佢半個人。可惜資料不全，未知當年神童聰如何協助警方智破奇案！
好市民獎得主由各警區或總部單位提名，要喺防止、偵破罪案或逮捕罪犯上起關鍵作用，可以係證人或受害人。活動一年舉辦兩次，每次選出40人，嚟緊呢次喺下周四（19日）喺荃灣愉景新城商場舉行。
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange