雖然三耳處長聶德權要到明年2月24日先至正式接任新聞處處長一職，但噚日朝早去咗特首辦等行政會議開會嘅行家卻話疑似見到聶德權嘅影蹤。點解係疑似而唔係肯定？據聞三耳仔好低調，冇喺狼振英扑咪回應時企正喺左右護駕，反而匿咗喺人群堆最唔起眼、幾乎係柱後嘅地方，扑完咪又轉身走人；當行家發現有個面孔喺人堆中好面善，佢已經越走越遠咯。
查實佢明年先正式上任，使唔使咁快做嘢？唔通佢覺得呢份job好難搞，要多啲時間做心理準備？知情人士話呀，雖然三耳處長明年先上任箒，但𠵱家已經係候任啦嘛，梗係越早熟習環境越好，同前波士林鄭一樣咁勤力喎。三隻耳，第日收風會唔會快啲呢？
杜琪峰&鄭秀文齊齊《亂噏24》同3個大帝吹吹水!
周一至周五《亂噏24》約定你： http://bit.ly/appletalk24