黃子華喺棟篤笑講過：「男人喺愛情上要求新鮮，而女人對愛情最大嘅要求就係保鮮。」好明顯，施捷斯尼同新女友瑪蓮娜（Marina Luczenko）近日都想將關係保鮮，仲出招「霸地盤」！
日前波蘭門將施捷斯尼將兩人嘅合照放上facebook（圖），公開佢哋嘅親密關係；只見相中瑪蓮娜單手舉機對鏡自拍，估唔到波蘭女神，都有幾分港女影子。瑪蓮娜更閉眼作狀親吻施捷斯尼嘴角，可知道甜蜜同肉麻，好多時只係一線之差。瑪蓮娜更將男友上載嘅相「些呀」開去，驚死冇人知佢哋打得火熱。大概表演細胞作祟，波蘭女神一向唔吝嗇身材，不時將自拍照放到facebook，但擺甫士就冇咩新意。施捷斯尼今季護「廠」有功，波蘭鋼門相信喺「安全感」一項會加分，瑪蓮娜可以放心啦。文：呂晨
杜琪峰＆鄭秀文齊齊《亂噏24》同3個大帝吹吹水！
周一至周五《亂噏24》約定你： http://bit.ly/appletalk24