「民企之父」張化橋個名幾值錢？市值約2億元嘅細價股中盈國金資源（766）噚日中午宣佈，委任張化橋做企業管理顧問，任期一年，隻股下晝一開波即刻爆升，最多升42%，收市升近24%，推高公司市值4,068萬元。
張化橋離開瑞銀之後都幾多動向，佢2006至2008年擔任深控（604）首席運營官，之後返過瑞銀，2011年透過旗下慢牛資本，入股廣州市萬穗小額貸款，做埋主席直至舊年中，期內佢又走去民生國際（938）做CEO，不過半年後就拜拜，消息公佈後民生股價挫逾一成。
弔詭嘅係，中盈通告講述張化橋履歷一段，冇寫佢做過民生半年CEO，唔通時間短得滯，連張化橋都忘了。中盈早排計劃喺吉林市做小額貸款業務，張化橋做過小額貸款生意，因此一拍即合？
杜琪峰&鄭秀文齊齊《亂噏24》同3個大帝吹吹水!
周一至周五《亂噏24》約定你： http://bit.ly/appletalk24