Michael哥鄭俊偉昨晨忙個不亦樂乎，除咗打點旗下馬操練同試閘外，仲趁空檔時間接受訪問。鄭俊偉提到尾場三班一哩嘅「國粹精華」，佢話隻馬排一檔兼用到韋達，係爭勝黃金機會，希望能夠首次敲響勝鼓。
鄭俊偉進一步解釋，佢話「國粹精華」好尺寸，要文靜而小心嘅方法發揮，韋達谷草走位叻，所以特登揾佢幫手。鄭俊偉又話「國粹精華」陣上表現向來準繩，但上次入完Ｑ，杜利萊跑完向佢匯報隻馬走得幾辛苦，需要回氣，所以拼後刻意養精蓄銳，等到聽晚首本谷草1650米才再出。
「國粹精華」馬主邱月華丈夫謝國輝，喺上周末香港國際馬匹拍賣會，以全日最高價750萬投得7號馬，謝國輝夫婦當然希望「國粹精華」快啲贏馬，咁先至有動力，令佢哋覺得花咁多錢買馬同養馬係值得嘅！
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange