呂健威上季贏得13場頭馬，千辛萬苦先畢業，魚生粥僅僅熟，但今季跑咗僅三個月，佢已經贏咗16場，排喺練馬師榜三甲，三個字「估佢唔到」。威哥忽然咁醒，係咪因為有新副練？今季洪國興加盟呂廐，做副練之外，仲帶嚟一大份「嫁妝」，好多支持洪國興嘅馬主，將愛駒轉去呂廐，令威哥實力大增，結果「醒目波幅」、「電訊超星」等駒贏到唔停手，威哥收錢收到手軟。
所謂今時唔同往日，以呂廐現時兵力，成績睇怕可以繼續爆升。啱啱國際賽日威哥避開幾個超級大倉嘅風頭後，禮拜三賽事佢又蠢蠢欲動。先講「橫亨」，跑番今季一戰即勝嘅谷草1800米，10檔都唔驚，事關前仗「橫亨」喺呢個路程贏馬，當晚12檔都贏啦。仲有當銳嘅「龍之欣」，今季兩戰未輸過，升班孭到118磅咁輕，跑起上嚟一定好happy。至於「豹顯神駒」、「心中有程」亦有一定分量。如果威哥又贏兩三場，咁就真係「終須有日龍穿鳳」嘅現實版咯！
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange