唔少人聖誕會到台灣玩，上網免費搞台灣旅遊簽證好方便，但近排唔少friend同八方講，上網填錯資料，飛到台灣先被拒入境，要即場花錢做落地簽證。八方噚日同台北經濟文化辦事處處長嚴重光茶敘，順便問問，嚴處長笑笑口話，美國政府畀台灣民眾免簽，台灣人赴美前都要上網登記，所以𠵱家香港人免費網簽都算免簽證。八方追問明年會否連網簽都唔使，處長大施太極功，話要睇香港政府嘞。上星期台灣內政部話台中清境農場只有四間農場合法，嚇死八方，處長解釋，啲民宿其實全部有牌係合法經營，只係部份有僭建物。在場觀光局巫主任補充話民宿結構全部安全，加建部份會重新審視，大家放心。
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange