周柏豪日前在元朗鬧市，為新晉導演黃柏基執導的新戲《四非》取景，柏豪花了三小時化爛面妝，變身爛面殺手「象人豪」的他，拿着相片通街找女主角李悅彤，導演為求逼真，叫柏豪做真人騷隨街問人，途人見到他的爛面都不敢多望，更嚇到雞飛狗走。
問人是否靚仔
然而，百厭的柏豪竟抵死問：「我靚唔靚仔？」有男途人勉強望一眼說：「哦，我認得你。」有女途人更搞鬼說：「我知係明星，但唔記得叫乜名。」但有五位十多歲年輕人，一眼就認出他，且大叫：「周柏豪呀，《四非》呀！」
柏豪坦言這個爛妝太逼真，曾嚇怕不少人：「平時自己拍嘢，人哋嘅眼神都會停留耐啲，𠵱家望一望就即刻縮，之前喺大廈拍，入𨋢時有女仔見到我都窒一窒。」對於這個爛面妝，柏豪留戀不已，他說：「拍咗個半月，𠵱家習慣晒，有少少唔捨得呢塊肉。」其間導演黃柏基叫李悅彤摸柏豪的爛面，事後她說：「佢塊肉好真，爭啲唔記得佢個靚仔樣。」
在《四非》中柏豪奉獻很多第一次，包括在泰國開真槍、化爛面妝、全裸和自瀆等，問到當初怎衝破心理關口？他說：「喺屋企摸自己嗰啲會清到場，但喺垃圾堆填區全裸就冇得清場拍，就算有遮前面，起身嗰吓都睇晒，惟有豁出去。」
湊路姆西熱鬧
此外，柏豪昨日又大文豪上身，拿着路姆西公仔影相在微博留言：「今天，我用了十五分鐘去欣賞這一隻路姆西毛公仔，再用了十分鐘為其拍照，這三十分鐘是我今天最美好的事。」湊埋一份熱鬧。
採訪：黃曉妍
攝影：黃偉雄
全民起義，網民話事！
立即登入萬千星虧頒獎禮投票網，投下心目中最虧之選。
http://campaign.appledaily.com/tvawards2013