狼班子嘅官員回應傳媒查詢時，經常「人肉錄音機」就人所共知，原來基本法委員會委員陳弘毅，都對錄音機有特別癖好，就係接受訪問同講書嘅時候，都會攞出一部粉紅色嘅錄音機為自己錄音。
話說陳教授噚日接受卿姐訪問，臨到開鏡錄影一刻，突然叫停，要求大家畀一分鐘佢，等佢刪除自己部機已錄到記憶體爆晒嘅錄音紀錄，仲一度要求在場記者幫手。卿姐問陳教授點解要錄音？係咪怕在場記者誤報？陳教授就話，純粹為日後寫文攞靈感啫，卿姐聽完，就笑笑口話佢部粉紅色錄音機「好靚」，但就一度搞錯呢部勁多按鈕嘅錄音機係手提電話，令在場傳媒都不禁爆笑。
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange