廸生創建（113）主席潘廸生有「名牌潘」之稱，佢太太余桂珠打扮亦有一手，經常以高貴look示人，就算晏晝行街食飯都唔馬虎。華華早幾日就見到潘太現身中環，見佢米白色中褸襯白色包包，佢應該幾鍾意閃閃look，雙手戴住3隻閃閃戒指不在講，手機殼全部係閃石，就連條頸巾末端都有閃石，真係襯到絕。
佢拎住用來講電話嘅舊式電話筒已經興咗幾年，「最美麗港姐」朱玲玲早年亦俾人影到拎住個紅色嘅。呢個電話筒一般賣400至500元，淘寶嘅話，20元人仔左右就有。
杜琪峰&鄭秀文齊齊《亂噏24》同3個大帝吹吹水!
周一至周五《亂噏24》約定你： http://bit.ly/appletalk24