一提起恒生（011）大公關張樹槐（水哥），自然想起馬拉松賽道，水哥剛於周日跟同事參加首屆深圳馬拉松，新任恒生中國一哥林偉中（Gordon），仲親自落場壓陣，率領近百名恒生健兒，跑步兼做善事。
最難得嘅係，兩位大員喺上周六晚，先喺中環恒生總行與行政總裁李慧敏同其他高層，跟傳媒品蛇共聚；首次以恒生人身份亮相蛇宴嘅Gordon，當晚仲獻唱一曲「沉默是金」，之後就同水哥趕赴深圳，翌日4點鐘起身預備長跑。
今次Gordon跟大部份同事只係小試牛刀，參加6公里賽事，部份人參加半馬路程，水哥當然跑全馬。
恒生自2010年舉辦「恒生慈善跑」，今年喺北京、廣州、上海同深圳舉行，深圳係最後一站，籌到15萬人仔，用作購買3,600雙波鞋贈予西部貧困兒童。
杜琪峰&鄭秀文齊齊《亂噏24》同3個大帝吹吹水!
周一至周五《亂噏24》約定你： http://bit.ly/appletalk24