民選區議員嘅議席空缺，通常都喺三個月內補選；委任議員嘞喎，更加可速戰速決啦，橫掂都係喺建制派內揀人啫。之但係荃灣區議會有個委任議員空缺，自5月至今足足半年都未填補，唔少地區人士都話情況好罕見，唔通建制派內人才缺乏到咁嘅地步，想搵個人頂上都冇？
知情人士話，政府擺唔平建制派勢力，索性懸空住先，費事好似狼英咁順得哥情失嫂意，惹嚟大風波就唔好啦！查實新民黨原委任區議員趙公梃請辭後，坊間流傳新民黨推薦副主席鄭承隆世襲㗎，但香港工商總會同新界社團聯會都另有心水人選，建制派籠裏鬥爭持不下，到頭來卻個個得個桔。
杜琪峰&鄭秀文齊齊《亂噏24》同3個大帝吹吹水!
周一至周五《亂噏24》約定你： http://bit.ly/appletalk24