舊立法會大樓將會改建做終審法院，但係改建期間被揭發，原來呢座一級法定古蹟，喺1984年被改建做立法局時，工人將兩條當年專畀囚犯行入法庭嘅「嘆息橋」拆咗，只剩番一小段遺址。建築署今次翻新，諗住斥資約五億元，會順便還原嘆息橋舊貌。前立法會大樓喺1912年建成，最初係最高法院，當時有兩條嘆息橋運送囚犯，連接囚室同兩個法庭。點解會咁「嘆息」？原來當年為防有人劫獄，嘆息橋係「與世隔絕」，外人免進㗎。完成今次復修後，會公開畀市民參觀。計八方話，最好就開放埋當年畀立法會議員同高官「逃走」嘅秘密通道畀市民參觀，等大家可以睇得更加全面囉。
杜琪峰&鄭秀文齊齊《亂噏24》同3個大帝吹吹水!
周一至周五《亂噏24》約定你： http://bit.ly/appletalk24