近期新股興起搵明星助興，尤其係服裝零售商，搵明星出席投資者推介會至少可以提高見報率。好似今日開始招股兼舉行推介會嘅富貴鳥（1819），就搵到陳豪做嘉賓，陳豪剛做阿爸，的確要搵多啲奶粉錢!
聽聞，新股請明星同𡃁模做嘉賓，價錢可以係天同地比，好似早兩個月上市嘅卡賓（2030），市傳佢哋當時搵「Cool魔」張智霖出席推介會影相兼同老闆深情對話，價錢大約30萬至50萬元。陳豪名氣拍得住Cool魔，恐怕價錢唔差得好遠。
陳豪亦唔係第一次幫新股做嘉賓，2010年另一隻服裝股長興（238）上市，已經搵佢同陳法拉打孖做人肉佈景，不過長興𠵱家大幅潛水，希望陳豪當時袋完演出費就算，冇手痕入飛啦。
杜琪峰&鄭秀文齊齊《亂噏24》同3個大帝吹吹水!
周一至周五《亂噏24》約定你： http://bit.ly/appletalk24