國泰航空（293）一邊話唔怕市場競爭，一邊反對政府發牌畀捷星香港，並使出軟功，經常強調自己係香港嘅航空公司，噚日舉行「香港精神號」客機揭幕儀式，政務司司長林鄭月娥都唔介意山長水遠，走去機場飛機庫參與儀式，可能因為嗰度至多只係食風，唔會食蛋！
國泰1997年為慶祝香港回歸，首度以香港天際線圖案為主題製作香港精神號客機，2000年舉辦一個航機機身設計比賽，從中選出優勝作品，製作第二代，噚日揭幕呢架屬於第三代，配上110個唔同動作、唔同顏色嘅人型剪影。呢架飛機今日處女啟航飛台北，然後飛香港往返米蘭嘅航線。國泰行政總裁史樂山噚日仲話，受惠經濟復甦，睇好明年航空業，不過貨運業仍然疲弱，所以只係審慎樂觀。
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange