【本報訊】一代粵劇紅伶紅線女已於另一國度獨抱琵琶，但在戲迷心中將永遠是剛毅的王昭君，是刁蠻公主，也是《搜書院》中漂泊的翠蓮，而在粵劇後輩眼中更是一代宗師。不過，在兒子看來，女姐其實只是一個平凡、卻又偉大的慈母。女姐廣州追思會在本月17日舉行，當天本地新光戲院大劇場也有公開悼念活動。
記者：楊潔雯 卓寶花 梁德倫 林社炳 藍文浩
紅線女前晚在廣東省人民醫院因心肌梗塞病逝，享年88歲，家人昨在其廣州市華僑新村寓所設靈弔唁，兒子馬鼎盛稱，擬在17日於廣州殯儀館辦追思會，在港則暫未有計劃；女兒紅虹日內也會由加拿大到廣州。
馬稱前日中午收到母親入院消息，即趕到廣州但未能親身送別，「見唔到最後一面，搶救嗰陣時唔俾見」。
「媽媽是藥罐子」
女姐一生奉獻舞台，兒子也感動：「佢從十幾歲一直差到𠵱家，係藥罐子，未停過食藥嘅。但佢一上台就即刻畀觀眾一個最好嘅形象。呢啲都係付出好大毅力。」粵劇老倌一出虎度門，踏上台板便忘我。「有次喺台上做《搜書院》，一拑個地下拑咗落粒釘度，（手掌）穿咗。但一直到演完，連我老竇（馬師曾）喺台上都冇發現到佢隻手傷到咁。」《搜書院》也是女姐1955年回大陸首個演出，周恩來因而評價「粵劇是南國紅豆」。藝術家再偉大也是兒子憐惜的母親，「我唔鍾意睇佢做嘢，任何舞台表演。因為你哋睇到係一個藝術家，我睇到係一個有病嘅、年紀大嘅老母。但最緊要佢開心。」人是萬物之靈，女姐似早有預感。馬11日前曾到廣州，女姐特別推掉徒弟約會，執意要與他吃飯，飯後更送別到火車站，「（母親）未試過咁㗎」。
人雖離世，紅腔卻永久承傳。入室弟子郭鳳女稱，女姐去世前八天更於廣州粵劇團周年慶祝會與她同台唱其名曲《荔枝頌》：「好心痛失去咗一個好好好好嘅老師。」廣州江南戲院昨晚演出粵劇《鴛鴦劍》，徒弟都上台：「紅老師係屬於粵劇同觀眾。」全場默哀後才演出。
新光主席李居明昨出席宣傳活動時，帶同女姐生前為戲院重開而題的「新光」墨寶，並稱是女姐主動要求將自己墨寶永留新光。他計劃在女姐廣州追思會日在新光公祭，擺放墨寶讓戲迷致意。他又謂女姐生前不喜歡數目字「8」，而她最後在12月8日晚上「八點搭八」（8時40分）過身，終年88歲。
演藝界大感惋惜，林家聲太太紅荳子也是女姐徒弟，林並稱女姐生前很疼愛徒兒。阮兆輝當童星時已跟女姐合拍《西廂記》，他笑謂女姐比他還百厭貪玩：「油麻地戲院開幕時女姐講過一定要打造地方，令粵劇界有後來者，我諗呢個係佢其中一個遺願。」西九管理局表演藝術行政總監茹國烈稱，下月在西九大戲棚有免費粵劇欣賞會，會嘗試播放女姐特輯讓戲迷懷念她。
杜琪峰&鄭秀文齊齊《亂噏24》同3個大帝吹吹水!
周一至周五《亂噏24》約定你： http://bit.ly/appletalk24