【本報訊】特區政府稱與各界就政改「有商有量」，民主黨創黨主席李柱銘卻認為有關商討只在京官預設的「框框之內」，「就係共產黨唔鍾意嘅人，一定唔可以做候選人」，指中央會用提名委員會的篩選過程「將呢類人篩出去」，呼籲市民力爭符合國際標準的普選方案，他個人支持由學民思潮提倡的全港選民組成提委會的建議。
李柱銘昨日接受商台《左右大局》訪問指，領導政改諮詢的政務司司長林鄭月娥雖較為港人接受，但仍對林鄭會提出合符國際標準的方案信心不大，「暫時睇，梗係冇機會」。
李解釋指，現時政改決定權在中央，「（中共）根本唔希望選到一個唔鍾意嘅人，呢個人唔一定係民主派㗎，例如曾鈺成，中央如果想梁振英冧莊，但跑咗個曾鈺成出嚟，分分鐘市民投票曾鈺成會贏」。他指中央擔心普選特首誰屬，因民選的特首或會在某些事項、如23條立法上與市民站在一線，「會同中央講可唔可以修改（條文）……中央又驚你會辭職，咁梗係想自己揀。」
籲港人阻北京操控
他估計中央會在提名問題設關卡，如提委會要參照選委會形式組成，批評：「大家共識係特區全面直選，點解去到呢個目標時，提委會要用返舊方式（包含功能組別的四大界別）去選？完全唔係向前行」。他指提委會若要有廣泛代表性，「學民思潮嗰個（建議）由所有香港選民組成，點解唔好呢？」又指政府「冇理由」否決公民提名，呼籲港人堅持爭取合乎國際標準的普選方案，不但要求一人一票，更不可容許北京全面操控候選人的參選過程。
李柱銘稱暫不會再拋任何政改方案，現階段要留意稍後泛民舉辦的全民投票結果，看看市民是否接受泛民提出的方案。他強調，看不到有泛民要顛覆中央或搞革命：「如果泛民主派選咗出嚟（當特首），邊個會唔愛國愛港、邊個會同佢（中央）對抗吖？你估貪玩咩。」
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange