【壹週刊】謝霆鋒同張栢芝離婚後，即時成為城中鑽石級筍盤，之前同周迅傳緋聞時，霆鋒冇否認，但就話大家只係好朋友。到最近又傳出，霆鋒同黎明旗下嘅「模Art」JM文詠珊撻着，實情又係點呢？
被爆有新戀情嘅JM，日前同張家輝、朱千雪拍場追車戲，等埋位時阿張家輝無無聊聊，走埋去同JM傾偈、密密斟，唔通就係想八吓佢同霆鋒嘅新戀情？
JM同霆鋒嘅戀情，係緣於兩人早前都有份出席一個好友嘅生日飯局，之後就傳出佢兩個打得火熱！而霆鋒日前被記者追問戀情時，又係一句：「好朋友啫！」又係好朋友，咁咪同周迅「同呢」？
我哋就喺拍攝現場問JM，佢承認有去過嗰個生日飯局，至於有冇得同霆鋒發展？JM只係話：「我開工先。」記者之後再電話訪問佢，JM終於話：「我依家仲係單身㗎！」
《壹週刊》專屬App《壹週Plus》經已面世，請即下載，壹手掌握全城大事、娛樂秘聞、至爆猛料，走在潮流尖端！
iPhone App免費下載：
http://bit.ly/nextplus_iphone
Android App免費下載：
http://bit.ly/nextplus_android